ആ
പെണ്കുട്ടി . ആ പെണ്കുട്ടിയെ ആദ്യമായി കണ്ടു . ആ പെണ്കുട്ടി
വീട്ടുമുറ്റത്ത് കോലമിടുന്നു . ആ പെണ്കുട്ടിയെ അങ്ങോട്ടു കേറി
പരിചയപ്പെട്ടു . ആ പെണ്കുട്ടിയോട് അതുമിതും പറഞ്ഞു . ആ പെണ്കുട്ടി
ആള്സെയിന്റ്സിലും യൂണിവേഴ്സിറ്റി കോളേജിലും ഇംഗ്ളീഷ്സാഹിത്യം പഠിച്ചു .
ആ പെണ്കുട്ടി പ്റെസ്ക്ളബ്ബില് ജേര്ണലിസം ചെയ്തു . ആ പെണ്കുട്ടിയെ
അപ്പോഴൊക്കെ നിരന്തരം കാണാന് ചെന്നു . ആ പെണ്കുട്ടിയോടൊപ്പം
നഗരമലഞ്ഞു . ആ പെണ്കുട്ടിയുമായി സന്ധ്യയിരുട്ടിക്കഴിഞ്ഞും വഴിവക്കില്
സംസാരിച്ചു നില്ക്കേ , ജീപ്പില് വന്നിറങ്ങിയ പോലീസുകാരാല് ചോദ്യം
ചെയ്യപ്പെട്ടു . ആ പെണ്കുട്ടിയോടൊത്ത് പോലീസുകാരില് നിന്നും ഒരുവിധം
രക്ഷപെട്ടു നടക്കുമ്പോള് ഒരുമിച്ചു പൊട്ടിച്ചിരിച്ചു . ആ പെണ്കുട്ടിയെ
അരക്ഷിതമായ കുടയില് ചേര്ത്തുപിടിച്ച് കടുത്ത മഴക്കാലത്ത് മഴയെക്കാള്
ഒച്ചവെച്ചു നീങ്ങുമ്പോള് മഴ തോരാതെ നിന്നു . ആ പെണ്കുട്ടി വിറ്റ്നി
ഹൂസ്റ്റന്റെയും ഷീനാ ഈസ്റ്റന്റെയും പാട്ടുകള് പാടി . ആ പെണ്കുട്ടി
ഭൂപീന്ദരേയും മുഹമ്മദ് റാഫിയെയും ഗുലാമലിയെയും ഇഷ്ടപ്പെട്ടു . ആ
പെണ്കുട്ടി ഇളയരാജയെയും കെ.വി മഹാദേവനെയും എ.ആര് .റഹ്മാനെയും
ബാലമുരളിയെയും ബാബുരാജിനെയും ഒരുപോലെ കേട്ടു . ആ പെണ്കുട്ടി
ബസുചാറ്റര്ജിയുടെയും ഋഷികേശ് മുഖര്ജിയുടെയും സിനിമകളിലൂടെ സഞ്ചരിച്ചു
. ആ പെണ്കുട്ടി ഭാരതിരാജയുടെയും മഹേന്ദ്രന്റേയും പേശും
പടങ്ങളെക്കുറിച്ച് വാചാലയായി . ആ പെണ്കുട്ടി ഹോളിവുഡ് ചിത്രങ്ങള്
തുടര്ച്ചയായി കണ്ടു . ആ പെണ്കുട്ടി മെറില് സ്ട്രീപ്പിനെക്കുറിച്ചും
മേഗറെയാനെക്കുറിച്ചും സല്മാ ഹായക്കിനെ ക്കുറിച്ചും പറഞ്ഞു . ആ
പെണ്കുട്ടി മില്സ് ആന്റ് ബൂണ് മുതല് ഷേക്സ്പിയര് വരെ വായിച്ചു . ആ
പെണ്കുട്ടിയുമായി വഴക്കിട്ടു . ആ പെണ്കുട്ടിയോട് തര്ക്കിച്ചു . ആ
പെണ്കുട്ടിയെക്കുറിച്ച് കവിതയെഴുതി . ആ പെണ്കുട്ടിയെ രഹസ്യമായി ഉമ്മ
വെച്ചു . ആ പെണ്കുട്ടിയോടു പറയാതെ , ആ പെണ്കുട്ടിയുടെ നഗരത്തില്
നിന്ന് ഒരു ദിവസം പെട്ടെന്ന് മുങ്ങി . ആ പെണ്കൂട്ടിക്കെന്നല്ല ,
ആര്ക്കും എവിടെയാണെന്നറിയാതെ വര്ഷങ്ങളോളം ഒരില്ലാതാകല് . ആ
പെണ്കൂട്ടിക്കു മാത്രം പോയവന് വരുമെന്നു തോന്നി . ആ പെണ്കുട്ടിയുടെ
തോന്നല് യാഥാര്ഥ്യമായി . ആ പെണ് കുട്ടിക്കുമുന്നില് മരണത്തോളം മാഞ്ഞു
പോയവന് തിരിച്ചെത്തി . ആ പെണ്കുട്ടിയുടെ വാക്കുകള്ക്ക് കൂടുതല്
അര്ത്ഥം . ആ പെണ്കുട്ടിയുടെ കാഴ്ചകള്ക്ക് കൂടുതല് തെളിച്ചം . ആ
പെണ്കുട്ടി. ആ പെണ്കുട്ടിയില് പിറന്ന മകള് . ആ പെണ്കുട്ടി , അതേ
പെണ്കുട്ടി.
No comments:
Post a Comment