കേസരി
ബാലകൃഷണപിള്ളയുടെ മുഖപ്രസംഗങ്ങള് . പ്രധാനമായും 'പ്രബോധകന് ' ,
'സമദര്ശി ' എന്നിവയില് പ്രത്യക്ഷപ്പെട്ടത് . മുഖം നോക്കാതെയുള്ള
നിരീക്ഷണങ്ങള് . വിമര്ശനങ്ങള് . വിശകലനങ്ങള് .
ആര്ക്കിഷ്ടപ്പെടുന്നു , എത്രപേര് സ്വീകരിക്കുന്നു , ഇതൊന്നുമല്ല
മാനദണ്ഡം . പറയാനുള്ളത് ഉറപ്പിച്ചു പറയുന്നു . അതുണ്ടാക്കുന്ന
നഷ്ടങ്ങളെക്കുറിച്ചുള്ള ഭയമില്ല . ചിലപ്പോള് ഇഷ്ടക്കാരുടെ അനിഷ്ടങ്ങള്
സംബാദികേണ്ടി വരാം . 'പണ്ഡിത മൂഡ്ഢന് 'എന്നതു പോലെയുള്ള പരിഹാസങ്ങള്
കേള്ക്കേണ്ടി വരാം . ആകെ കുഴപ്പക്കാരനും ഉപദ്രവകാരിയും അലോസരങ്ങള്
ഉണ്ടാക്കുന്നയാളുമായി വിലയിരുത്തപ്പെടാം . വ്യക്തിജീവിതത്തില്
കഷ്ടപ്പാടുകള് വിടാതെ പിന്തുടരാം . അതിന്റെ വരും
വരായ്കകളെക്കുറിച്ചുള്ള വേവലാതിയില്ല . സര്വസമ്മതനാകാനുള്ള ശ്രമമില്ല .
സര്വസമ്മതരോട് വിധേയത്വമില്ല . അധികാരതോട് സക്റിയമായി കലഹിച്ചു. .
സ്ഥാനമാനങ്ങളോട് വിമുഖനായി . വേണമെങ്കില് കേസരിക്ക് അധികാരസ്ഥാനങ്ങളില്
എളുപ്പം കയറിയിരിക്കാമായിരുന്നു . അതിസമ്ബ്ന്നനാകാമായിരുന്നു . എങ്ങും
കയറിയിരുന്നില്ല . പരമദുരിതങ്ങളെ സ്വയം വരിച്ചു . പരമദുരിതത്തിലും
പരമസ്വാതന്ത്ര്യത്തെ സ്വപ്നം കണ്ടു . ഏറ്റവും പുതിയ കാലത്തിലൂടെ ഭാവിയിലെ
'നവലോക' ത്ത്തിലേക്ക് നടന്നു കൊണ്ടിരുന്നു . കേസരിയുടെ മുഖ
പ്രസംഗങ്ങള് . ഏകാന്തധീരമായ സഞ്ചാരങ്ങളുടെ രേഖകള് .
ധാര്മ്മികബോധത്താല് പ്രചോദിതമായ ഒത്തുതീര്പ്പില്ലായ്മകളുടെ പുസ്തകം .
മനുഷ്യസാധ്യമായ വിശാലവീക്ഷണങ്ങളുടെ, വിവേകങ്ങളുടെ സാമൂഹികപ്രതികരണഗ്രന്ഥം
. സൂക്ഷ്മാര്ഥത്തില് ഇന്നും പ്രസക്തം . എന്നും പ്രസക്തം . കേസരിയുടെ
മുഖപ്രസംഗങ്ങള് വീണ്ടും വായിക്കുന്നു.
No comments:
Post a Comment