'താം ഹംസമാല:ശരദീവ ഗങ്ഗാം
മഹൌഷധീം നക്തമിവാത്മഭാസ:
സ്ഥിരോപദേശാ മുപദേശകാലേ
പ്രപേദിരേ പ്രാക്തനജന്മവിദ്യാ:'
-കാളിദാസന്
'ചലങ്ങളുടെ ,പരിണാമെങ്ങളുടെ ഈലോകത്തില്
നിശ്ചലതയുടെ ഒരു കീറ്.കാലത്തിന്റെ തുടര്ച്ചയിലും
ഒഴുക്കിലും നിന്നു വേറിട്ട ഒരു അകാലം.അതെങ്ങനെയെന്ന്
എനിക്കപ്പോള് ബോധ്യപ്പെട്ടു'
-ടി.ശ്രീവല്സന്
(ആംബുലെന്സ് എന്ന് കഥാസമാഹാരത്തിലെ
അതേ പേരുള്ള കഥയില് നിന്ന്.)
ആ വീട് . ചെറിയ വീട് . തമിഴ് പാട്ടിന്റെ വീട് . തമിഴ് സിനിമയുടെ വീട് . തമിഴ്ക്കോലം പോടുന്ന വീട് . വീട്ടുകാര്ക്കൊപ്പം ശീര്കാഴി , ടി.ആര്. മഹാലിംഗം , സുബ്ബുലക്ഷ്മി , ത്യാഗരാജ ഭാഗവതര് , സുന്ദരാംബാള് , പട്ടാംബാള് , എസ്. കിട്ടപ്പ , പി.ബി.ശ്രീനിവാസ് , ടി.എം.എസ് , സുശീല , ഇളയരാജ , എസ്.പി.ബി....തുടങ്ങിയവര് പാര്ക്കുന്ന വീട് . ചുവരിലെ ദൈവങ്ങള്ക്കൊപ്പം ശിവാജി ഗണേശന് , ജമിനിഗണേശന് , എന്.എസ് കൃഷ്ണന് , ചന്ദ്രബാബു , എന്.ടി. രാമറാവു , നാഗേശ്വര റാവു , എസ്.എസ്.രാജേന്ദ്രന് , പണ്ടരിഭായ് , ടി.ആര് രാജകുമാരി , സാവിത്രി , പത്മിനി , സരോജാദേവി , വൈജ്യന്തിമാല , വാണിശ്രീ ....മുതലായവര് പ്രത്യക്ഷപ്പെടുന്ന വീട് . സന്താപങ്ങള്ക്കും സന്തോഷങ്ങള്ക്കുമൊപ്പം വീരപാണ്ഡ്യ കട്ടബൊമ്മന് , തിരുവിളയാടല് , കര്ണ്ണന് , തില്ലാനാ മോഹനാംബാള് , കന്തന് കരുണൈ , മായാബസാര് , ജഗന്മോഹിനി , കപ്പലോട്ടിയ തമിഴന്.....എന്നിങ്ങനെ മുഴങ്ങുന്ന വീട് . ഏഴകളുടെ വീട് .
അനില് എന്നൊരാള് , ആ വീട്ടിലെ ഒരംഗം , ഒരു സംഗീതഭ്രാന്തന് , അപൂര്വമായ ഗ്രാമഫോണ് റെക്കാഡുകള് തേടി നിരന്തരം തമിഴ്നാട്ടിലേക്കു സഞ്ചരിച്ചു . ഒരു മുറി നിറയെ കാസറ്റുകളും സി.ഡികളും ഗ്രാമഫോണ് റെക്കാഡുകളും നിറഞ്ഞു . ചെറിയ വീട് കൂടുതല് ചെറുതായി . ഇടക്കിടെ വന്നു , ആ വീട്ടില് , സംഗീതം തലയ്ക്ക് പിടിച്ച് വട്ടായിപ്പോയ ഒരാള് , അനിലിന്റെ സുഹൃത്ത് , വിനയന് എന്നു വിളിപ്പേരുള്ള വിനയമൂര്ത്തി.
ആ വീടിലെ മറ്റൊരംഗം എന്ന നിലയില് അയാളെ പരിചയപ്പെട്ടത് വര്ഷങ്ങള്ക്കുമുന്പ് . അന്നേ അയാള് നാല്പതുകളിലായിരുന്നു . നാഗസ്വരത്തിന്റെ കടുത്ത ആരാധകന് . നാഗസ്വരക്കച്ചേരികള് കേള്ക്കാന് എല്ലാ കൊല്ലവും തഞ്ചാവൂരിലേക്കും ശുചീന്ദ്രത്തേക്കും പോകും . തിരുവിഴിമലൈ സഹോദരങ്ങള് , തിരുവെങ്കാട് സുബ്രമണ്യപിള്ള , വീരുസാമിപ്പിള്ള , കുളിരൈ പിച്ചയപ്പാപിള്ള തുടങ്ങിയ നാഗസ്വരസംഗീതലോകത്തെ അതികായന്മാരെക്കുറിച്ച് അയാള് പറഞ്ഞു . തകിലും വയലിനും ഷെഹനായിയും അയാള്ക്ക് പെരുത്തിഷ്ടം . തകിലില് അത്ഭുതങ്ങള് തീര്ത്ത നീടാര് മംഗലം മീനാക്ഷിസുന്ദരത്തെപ്പറ്റി പറയുമ്പോള് അയാള്ക്ക് നൂറു നാവ് . അപാര വയലിന്വാദകരായ പഗനനിയെയും ദ്വാരം ശ്രീ വെങ്കിടസ്വാമി നായിഡുവിനെയും കുറിച്ച് പറയുമ്പോള് അയാള്ക്ക് ആയിരം നാവ് .ഷെഹനായ്നാദത്തെ മൌലികമായി പരിവര്ത്തിപ്പിച്ച മഹാനായ ബിസ്മില്ലാഖാനെ പറ്റിപ്പറയാന് അയാള്ക്ക് പതിനായിരം നാവ് . നാഗസ്വരവിദ്വാന്മാര്ക്കിടയിലെ വിസ്മയപ്രതിഭകളായ തിരുവാടുതുറൈ രാജരത്തിനംപിള്ള ,കാരുക്കുരുചി അരുണാചലം , ചിന്നമൌലാന , മെഹബൂബ് സുഭാനി , ചാര്ലി മറിയാനോ എന്നിവരെക്കുറിച്ചൊക്കെ പരാമര്ശിക്കുമ്പോള് അയാള്ക്ക് കോടി നാവ് . നാഗസ്വരത്തെക്കുറിച്ച് ഒരു പിടിയുമില്ലാതിരുന്നിട്ടും അയാളുടെ വീട്ടില് ചെന്നപ്പോഴൊക്കെ രാജരത്തിനം പിള്ള മുതല് തിരുവിഴ ജയശങ്കര് വരെ കേട്ടിരുന്നതും , അപൂര്വ സംഗീതപുസ്തകങ്ങള് നിറഞ്ഞ അയാളുടെ മുറിയില് നിമിഷങ്ങള് ചെലവഴിച്ചതും , എണ്പതുകളുടെ ഒടുക്കത്തിലെപ്പോഴോ അയാള്ക്കൊപ്പം ശുചീന്ദ്രത്തു പോയതും , നാഗസ്വരക്കച്ചേരി കേട്ടു നിന്നതും നലമെഴുമോമ്മ .
ഇടവേള . നീണ്ട പതിനഞ്ച് വര്ഷം . തമ്മില് കണ്ടില്ല . ഇതിനിടയില് അയാള് തിരുവനന്തപുരത്തെ വീട്വിറ്റ് കുടുംബസമേതം കോയമ്പത്തൂരിനു പോയതായി അറിഞ്ഞു . പിന്നെപ്പിന്നെ ഒരു വിവരവുമില്ലാതായി . സംഗീതത്തെപ്പറ്റി അയാളോട് പണ്ട് പറഞ്ഞ അബദ്ധങ്ങളില് പില്ക്കാലത്ത് ലജ്ജ തോന്നി . സംഗീതസംബന്ധിയായ സംശയങ്ങള് തോന്നുംപോഴൊക്കെ അയാളെ ഓര്മ്മിച്ചു . അങ്ങന്നിരിക്കെ , അത്ഭുതപ്പെടുത്തിക്കൊണ്ട് , ഈയിടെ അയാള് വന്നു . നീണ്ട നരചമുടി പിന്നില് കെട്ടി വെച്ചിരുന്നു . സംഗീതഭ്രാന്തിന് ഒരു കുറവുമില്ല . കൂടിയിട്ടേ ഉള്ളൂ എന്നു തിരിച്ചറിഞ്ഞു . സംഗീതജ്ഞാനം തീരെ കമ്മിയായ പഴയ സുഹൃത്തിനെ കാണാന് വന്നതു തന്നെ അയാളുടെ മഹത്വം . പരമഭക്തനായ , പരമ സാത്വികനായ അയാള് ഭക്തനേയല്ലാത്ത , സാത്വികനേയല്ലാത്ത ഒരാളുമായുള്ള സൌഹൃദം നിലനിര്ത്താന് ആഗ്രഹിക്കുന്നതു തന്നെ അയാളുടെ വിശാലമനുഷ്യബോധം . എല്ലാ നല്ല സൌഹൃദങ്ങളും ജനാധിപത്യത്താല് , വിമര്ശിക്കാനും കലഹിക്കാനുമുള്ള ഇടങ്ങളാല് , ഉപചാരങ്ങളില്ലാത്ത സ്നേഹത്താല് സ്വതന്ത്രമാക്കപ്പെട്ടിരിക്കുന്നു .
അഞ്ചു വര്ഷമായി നൃത്തം പഠിക്കുന്ന കുഞ്ഞുമകള് . അവളുടെ അരങ്ങേറ്റം മെയ്മാസത്തിലാണ് . അയാള് വന്നതു നന്നായി . മകള് അയാളുടെ കാലില് തൊട്ടുവന്ദിച്ചു . അവളുടെ സ്ഥിരം അനുഷ്ഠാനം . ഇതിനേക്കാള് വലിയ അനുഗ്രഹം അവള്ക്കിനി കിട്ടാനില്ല . കണ്ണുകള് അറിയാതെ നിറഞ്ഞു . യാത്ര പറയുന്നതിന് മുന്പ് കോയമ്പത്തൂരിലെ മേല്വിലാസവും ഫോണ്നമ്പറും തന്നു . വീട്ടിലേക്ക് ക്ഷണിച്ചു . അരങ്ങേറ്റം കഴിയട്ടെ . കോയംപത്തൂര്ക്ക് പോണം.
മഹൌഷധീം നക്തമിവാത്മഭാസ:
സ്ഥിരോപദേശാ മുപദേശകാലേ
പ്രപേദിരേ പ്രാക്തനജന്മവിദ്യാ:'
-കാളിദാസന്
'ചലങ്ങളുടെ ,പരിണാമെങ്ങളുടെ ഈലോകത്തില്
നിശ്ചലതയുടെ ഒരു കീറ്.കാലത്തിന്റെ തുടര്ച്ചയിലും
ഒഴുക്കിലും നിന്നു വേറിട്ട ഒരു അകാലം.അതെങ്ങനെയെന്ന്
എനിക്കപ്പോള് ബോധ്യപ്പെട്ടു'
-ടി.ശ്രീവല്സന്
(ആംബുലെന്സ് എന്ന് കഥാസമാഹാരത്തിലെ
അതേ പേരുള്ള കഥയില് നിന്ന്.)
ആ വീട് . ചെറിയ വീട് . തമിഴ് പാട്ടിന്റെ വീട് . തമിഴ് സിനിമയുടെ വീട് . തമിഴ്ക്കോലം പോടുന്ന വീട് . വീട്ടുകാര്ക്കൊപ്പം ശീര്കാഴി , ടി.ആര്. മഹാലിംഗം , സുബ്ബുലക്ഷ്മി , ത്യാഗരാജ ഭാഗവതര് , സുന്ദരാംബാള് , പട്ടാംബാള് , എസ്. കിട്ടപ്പ , പി.ബി.ശ്രീനിവാസ് , ടി.എം.എസ് , സുശീല , ഇളയരാജ , എസ്.പി.ബി....തുടങ്ങിയവര് പാര്ക്കുന്ന വീട് . ചുവരിലെ ദൈവങ്ങള്ക്കൊപ്പം ശിവാജി ഗണേശന് , ജമിനിഗണേശന് , എന്.എസ് കൃഷ്ണന് , ചന്ദ്രബാബു , എന്.ടി. രാമറാവു , നാഗേശ്വര റാവു , എസ്.എസ്.രാജേന്ദ്രന് , പണ്ടരിഭായ് , ടി.ആര് രാജകുമാരി , സാവിത്രി , പത്മിനി , സരോജാദേവി , വൈജ്യന്തിമാല , വാണിശ്രീ ....മുതലായവര് പ്രത്യക്ഷപ്പെടുന്ന വീട് . സന്താപങ്ങള്ക്കും സന്തോഷങ്ങള്ക്കുമൊപ്പം വീരപാണ്ഡ്യ കട്ടബൊമ്മന് , തിരുവിളയാടല് , കര്ണ്ണന് , തില്ലാനാ മോഹനാംബാള് , കന്തന് കരുണൈ , മായാബസാര് , ജഗന്മോഹിനി , കപ്പലോട്ടിയ തമിഴന്.....എന്നിങ്ങനെ മുഴങ്ങുന്ന വീട് . ഏഴകളുടെ വീട് .
അനില് എന്നൊരാള് , ആ വീട്ടിലെ ഒരംഗം , ഒരു സംഗീതഭ്രാന്തന് , അപൂര്വമായ ഗ്രാമഫോണ് റെക്കാഡുകള് തേടി നിരന്തരം തമിഴ്നാട്ടിലേക്കു സഞ്ചരിച്ചു . ഒരു മുറി നിറയെ കാസറ്റുകളും സി.ഡികളും ഗ്രാമഫോണ് റെക്കാഡുകളും നിറഞ്ഞു . ചെറിയ വീട് കൂടുതല് ചെറുതായി . ഇടക്കിടെ വന്നു , ആ വീട്ടില് , സംഗീതം തലയ്ക്ക് പിടിച്ച് വട്ടായിപ്പോയ ഒരാള് , അനിലിന്റെ സുഹൃത്ത് , വിനയന് എന്നു വിളിപ്പേരുള്ള വിനയമൂര്ത്തി.
ആ വീടിലെ മറ്റൊരംഗം എന്ന നിലയില് അയാളെ പരിചയപ്പെട്ടത് വര്ഷങ്ങള്ക്കുമുന്പ് . അന്നേ അയാള് നാല്പതുകളിലായിരുന്നു . നാഗസ്വരത്തിന്റെ കടുത്ത ആരാധകന് . നാഗസ്വരക്കച്ചേരികള് കേള്ക്കാന് എല്ലാ കൊല്ലവും തഞ്ചാവൂരിലേക്കും ശുചീന്ദ്രത്തേക്കും പോകും . തിരുവിഴിമലൈ സഹോദരങ്ങള് , തിരുവെങ്കാട് സുബ്രമണ്യപിള്ള , വീരുസാമിപ്പിള്ള , കുളിരൈ പിച്ചയപ്പാപിള്ള തുടങ്ങിയ നാഗസ്വരസംഗീതലോകത്തെ അതികായന്മാരെക്കുറിച്ച് അയാള് പറഞ്ഞു . തകിലും വയലിനും ഷെഹനായിയും അയാള്ക്ക് പെരുത്തിഷ്ടം . തകിലില് അത്ഭുതങ്ങള് തീര്ത്ത നീടാര് മംഗലം മീനാക്ഷിസുന്ദരത്തെപ്പറ്റി പറയുമ്പോള് അയാള്ക്ക് നൂറു നാവ് . അപാര വയലിന്വാദകരായ പഗനനിയെയും ദ്വാരം ശ്രീ വെങ്കിടസ്വാമി നായിഡുവിനെയും കുറിച്ച് പറയുമ്പോള് അയാള്ക്ക് ആയിരം നാവ് .ഷെഹനായ്നാദത്തെ മൌലികമായി പരിവര്ത്തിപ്പിച്ച മഹാനായ ബിസ്മില്ലാഖാനെ പറ്റിപ്പറയാന് അയാള്ക്ക് പതിനായിരം നാവ് . നാഗസ്വരവിദ്വാന്മാര്ക്കിടയിലെ വിസ്മയപ്രതിഭകളായ തിരുവാടുതുറൈ രാജരത്തിനംപിള്ള ,കാരുക്കുരുചി അരുണാചലം , ചിന്നമൌലാന , മെഹബൂബ് സുഭാനി , ചാര്ലി മറിയാനോ എന്നിവരെക്കുറിച്ചൊക്കെ പരാമര്ശിക്കുമ്പോള് അയാള്ക്ക് കോടി നാവ് . നാഗസ്വരത്തെക്കുറിച്ച് ഒരു പിടിയുമില്ലാതിരുന്നിട്ടും അയാളുടെ വീട്ടില് ചെന്നപ്പോഴൊക്കെ രാജരത്തിനം പിള്ള മുതല് തിരുവിഴ ജയശങ്കര് വരെ കേട്ടിരുന്നതും , അപൂര്വ സംഗീതപുസ്തകങ്ങള് നിറഞ്ഞ അയാളുടെ മുറിയില് നിമിഷങ്ങള് ചെലവഴിച്ചതും , എണ്പതുകളുടെ ഒടുക്കത്തിലെപ്പോഴോ അയാള്ക്കൊപ്പം ശുചീന്ദ്രത്തു പോയതും , നാഗസ്വരക്കച്ചേരി കേട്ടു നിന്നതും നലമെഴുമോമ്മ .
ഇടവേള . നീണ്ട പതിനഞ്ച് വര്ഷം . തമ്മില് കണ്ടില്ല . ഇതിനിടയില് അയാള് തിരുവനന്തപുരത്തെ വീട്വിറ്റ് കുടുംബസമേതം കോയമ്പത്തൂരിനു പോയതായി അറിഞ്ഞു . പിന്നെപ്പിന്നെ ഒരു വിവരവുമില്ലാതായി . സംഗീതത്തെപ്പറ്റി അയാളോട് പണ്ട് പറഞ്ഞ അബദ്ധങ്ങളില് പില്ക്കാലത്ത് ലജ്ജ തോന്നി . സംഗീതസംബന്ധിയായ സംശയങ്ങള് തോന്നുംപോഴൊക്കെ അയാളെ ഓര്മ്മിച്ചു . അങ്ങന്നിരിക്കെ , അത്ഭുതപ്പെടുത്തിക്കൊണ്ട് , ഈയിടെ അയാള് വന്നു . നീണ്ട നരചമുടി പിന്നില് കെട്ടി വെച്ചിരുന്നു . സംഗീതഭ്രാന്തിന് ഒരു കുറവുമില്ല . കൂടിയിട്ടേ ഉള്ളൂ എന്നു തിരിച്ചറിഞ്ഞു . സംഗീതജ്ഞാനം തീരെ കമ്മിയായ പഴയ സുഹൃത്തിനെ കാണാന് വന്നതു തന്നെ അയാളുടെ മഹത്വം . പരമഭക്തനായ , പരമ സാത്വികനായ അയാള് ഭക്തനേയല്ലാത്ത , സാത്വികനേയല്ലാത്ത ഒരാളുമായുള്ള സൌഹൃദം നിലനിര്ത്താന് ആഗ്രഹിക്കുന്നതു തന്നെ അയാളുടെ വിശാലമനുഷ്യബോധം . എല്ലാ നല്ല സൌഹൃദങ്ങളും ജനാധിപത്യത്താല് , വിമര്ശിക്കാനും കലഹിക്കാനുമുള്ള ഇടങ്ങളാല് , ഉപചാരങ്ങളില്ലാത്ത സ്നേഹത്താല് സ്വതന്ത്രമാക്കപ്പെട്ടിരിക്കുന്നു .
അഞ്ചു വര്ഷമായി നൃത്തം പഠിക്കുന്ന കുഞ്ഞുമകള് . അവളുടെ അരങ്ങേറ്റം മെയ്മാസത്തിലാണ് . അയാള് വന്നതു നന്നായി . മകള് അയാളുടെ കാലില് തൊട്ടുവന്ദിച്ചു . അവളുടെ സ്ഥിരം അനുഷ്ഠാനം . ഇതിനേക്കാള് വലിയ അനുഗ്രഹം അവള്ക്കിനി കിട്ടാനില്ല . കണ്ണുകള് അറിയാതെ നിറഞ്ഞു . യാത്ര പറയുന്നതിന് മുന്പ് കോയമ്പത്തൂരിലെ മേല്വിലാസവും ഫോണ്നമ്പറും തന്നു . വീട്ടിലേക്ക് ക്ഷണിച്ചു . അരങ്ങേറ്റം കഴിയട്ടെ . കോയംപത്തൂര്ക്ക് പോണം.
No comments:
Post a Comment